Яңгыр канализациясен ремонтлау сәбәпле, Казанда Универсиада проспектын яптылар
Скопировать ссылку
Яңгыр канализациясен ремонтлау сәбәпле, Универсиада проспекты ябылды. Бу хакта шәһәрнең Тышкы төзекләндерү комитеты хәбәр итә.
Танк боҗрасы янында торбаүткәргечтә авария кичә кич булган. Проблеманы бетерү өчен шәһәр хезмәтләре оператив рәвештә ремонтка эшләренә керешкән.
«Дүшәмбе иртәсенә әлеге урыннан тоткарлыксыз үтүне тәэмин итү өчен барысы да тизләтелгән тәртиптә башкарылачак. Ремонт эшләре барган вакытта бу участокны Оренбург тракты яки Даурия урамы буйлап әйләнеп узарга киңәш итәбез», – дип белдерделәр комитетта.