Җәмгыять 10 июнь 2020 12:38

Прокуратура ярдәмендә Казанда ветеранның электр өчен түләгән акчасы яңадан исәпләнгән

Идарәче компания сугыш ветеранына электр энергиясе өчен счетны өч ел буе югары коэффициент буенча исәпләгән.

Скопировать ссылку

(Казан, 10 июнь, «Татар-информ», Наталия Никифорова). Прокуратура ярдәмендә Казанда Бөек Ватан сугышы ветеранының электр энергиясе өчен түләгән акчасын яңадан исәпләгәннәр. ТР прокурорының өлкән ярдәмчесе Руслан Галиев «Татар-информ» агентлыгына шул хакта хәбәр итте.

Прокуратура ачыклаганча, ветеран яши торган фатирда электр энергиясен исәпли торган счетчик куелмаганлыктан, идарәче компания 2017 елдан бирле аңа электр энергиясе өчен счет-фактураны югары коэффициент белән исәпләп җибәргән.

Күзәтү ведомствосы тикшергәннән соң «УютСервис» идарәче компаниясе ветеранның электр энергиясе өчен түләгән акчасын яңадан исәпләгән һәм аның фатирында электр энергиясен исәпли торган счетчик урнаштырган.

Ветеранның фатирында шулай ук үзәктән җылыту батареяларын да алыштырырга ниятлиләр.

#идарәче компания #счетчик #прокуратура #ветеран

Сәхифәләр

Прокуратура ярдәмендә Казанда ветеранның электр өчен түләгән акчасы яңадан исәпләнгән