Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Прокуратура Тукай районында укытучылардан акча җыю турында мәгълүматны тикшерә
Интернет мониторингы барышында прокурорлар мәктәп персоналына Роспотребнадзор штрафын түләргә тәкъдим иткән хәбәрне күреп ала.
(Казан, 2 июль, «Татар-информ»). Прокуратура Татарстанның Тукай районында Теләнче-Тамак мәктәбе укытучыларыннан акча җыю турында мәгълүматны тикшерә. Бу хакта Татарстан прокурорының өлкән ярдәмчесе Руслан Галиев хәбәр итте.
«Интернет мониторингы барышында күзәтчелек ведомствосы белгечләре социаль челтәрләрдә гомуми белем бирү учреждениесе директорының мәктәп укытучылары һәм персоналыннан штраф түләү өчен акча җыюны оештыруы турында хәбәр тапкан», - дип сөйләде Галиев.
Постта Россиядә кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт мәктәпкә 13 мең сум күләмендә штраф язып биргәнлеге әйтелә. Шуңа бәйле рәвештә, учреждение җитәкчесе укытучыларга – 600, персоналга 200 сум акча җыярга тәкъдим иткән. Хәбәргә банк картасы фотосы өстәп куелган, автор акчаны шунда күчерергә тәкъдим итә.
«Хәзерге вакытта күзәтчелек ведомствосы әлеге мәгълүматны тикшерә. Закон бозу очраклары ачыкланган очракта, прокурор тарафыннан тиешле чаралар күреләчәк», - диде Галиев.
Кызыклы яңалыкларны күзәтеп бару өчен Телеграм-каналга язылыгыз