Хәвеф-хәтәр 7 август 2018 12:45

Прокуратура Сочида яңгыр сулары канализациясенең конструкциясе үзгәртелгәнен ачыклаган

Түбән Камадан әбисе белән Сочига ял итәргә килгән малай яңгыр сулары канализациясенә егылып төшеп, батып үлде.

Скопировать ссылку

(Казан, 7 август, «Татар-информ»). Прокуратура Сочига Татарстаннан килгән бала төшеп һәлак булган яңгыр сулары канализациясе конструкциясенә үзгәрешләр кертелүен ачыклаган. Бу хакта ТАСС агентлыгы хәбәр итә.

Прокуратура ачыклаганча, яңгыр сулары канализациясенең яңа конструкциясе киртә белән ябыла торган ачык улакны күздә тоткан. Әмма малай батып үлгән көнне ул ачык булган.

Әлеге факт буенча прокуратура тарафыннан тикшерү үткәрелә. Хәзерге вакытта шунысы билгеле: яңгыр сулары канализациясенең конструкциясен шул тирәдә урнашкан кунакханә хуҗасы үзгәрткән.

Фаҗига җомга көнне, 3 августта булды. Түбән Камадан әбисе белән ял итәргә килгән малай Лазаревское бистәсендә яңгыр сулары канализациясенә егылып төшеп, батып үлде.
Россия Тикшерү комитеты край идарәсенең Сочи шәһәре Лазаревское районы буенча тикшерү бүлеге Түбән Камадан килгән малайның үлеменә бәйле факт буенча җинаять эше кузгатты.

#суга баткан #сочи

Сәхифәләр

Прокуратура Сочида яңгыр сулары канализациясенең конструкциясе үзгәртелгәнен ачыклаган