Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Прокуратура һәм янгын күзәтчелеге Казанның «Центральный дом мебели» сәүдә үзәген тикшерә
Идел буе районы территориясендә 13 объектның бишесен тикшергәннәр инде.
(Казан, 2 апрель, «Татар-информ»). Прокуратура һәм дәүләт янгын күзәтчелеге хезмәткәрләре Казанның Идел буе районында урнашкан «Центральный дом мебели» сәүдә үзәген тикшерә.
Беренче чиратта, күзәтчелек органнары хезмәткәрләре эвакуацион чыгу юлларын һәм янгын щитларын карады.
«Регламент буенча без ай саен өйрәнү эвакуациясе үткәрәбез. Бездә сигез эвакуацион чыгу юлы, беренче катта гына да җиде янгын щиты бар. Аларның барысы да эшли, тикшерү барышында бер генә җитди хилафлык та ачыкланмады», - диде «Центральный дом мебели» сәүдә үзәгенең куркынычсызлык хезмәте башлыгы Ирек Хәйбуллин.
Аның әйтүенчә, эш көннәрендә сәүдә үзәгенә меңгә якын, шимбә-якшәмбедә тагын да күбрәк кеше килә.
Тикшерү барышында хилафлыклар ачыкланмады, әмма ахыргы нәтиҗәләр соңрак билгеле булачак.
«Идел буе районы территориясендә 13 объектның бишесендә тикшерү үткәрелде инде. Берничә хокук бозу очрагы ачыкланды. Тикшерү нәтиҗәләре буенча тиешле карар кабул ителәчәк», - дип искәртте Казанның Идел буе районы прокурорының өлкән ярдәмчесе Ләйсән Солтанова.
Кызыклы яңалыкларны күзәтеп бару өчен Телеграм-каналга язылыгыз