Хәвеф-хәтәр 29 август 2018 13:25

Прокуратура Казандагы балалар бакчасыннан дәүләт әләмен күчереп элүне таләп итә

Тикшерүдән күренгәнчә, мәктәпкәчә белем бирү учреждениеләренең берсендә Россия әләме республика әләменнән уң якта урнашкан.

Скопировать ссылку

(Казан, 29 август, “Татар-информ”). Прокуратура Казандагы балалар бакчасыннан дәүләт әләмен күчереп элүне таләп итә. Бу хакта Татарстан прокуроры өлкән ярдәмчесе вазифаларын вакытлыча башкаручы Екатерина Гудкова хәбәр итте.

Тикшерү барышында ачыкланганча, мәктәпкәчә мәгариф учреждениеләренең берсендә әләм элү тәртибе бозылган.

Шулай итеп, Россия әләме, аңа йөз белән караганда, закон нигезендә Татарстан әләменнән сул якта урнашырга тиеш. Ә биредә ул уң якта урнаштырылган булган.

Прокурор тикшереннән соң балалар бакчасы җитәкчесеннән әләмнәрне төзәтеп элүне таләп итте. Хәзерге вакытта учреждение җитәкчелеге күзәтчелек органы күрсәтмәсен карый.

#прокуратура #әләм #флаг

Сәхифәләр

Прокуратура Казандагы балалар бакчасыннан дәүләт әләмен күчереп элүне таләп итә