Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Прокуратура БПЛА һөҗүме видеосын чыгарган ике кешегә кисәтү белдергән
Тукай районы прокуратурасы Чаллыда яшәүче ике кешегә Украина беспилотнигының төзелеп килә торган логистика үзәгенә һөҗүм иткән мизгелне видеога төшереп социаль челтәргә куйган өчен беренче тапкыр кисәтү белдерде.
Искәртеп үтик, кичә Татарстан Республикасына дошман дроннары массакүләм рәвештә һөҗүм итте. Республика территориясендә тугыз БПЛА юкка чыгарылган. Зыян күрүчеләр юк.
Интернетта дошман БПЛАлары һөҗүменең шаһитлар төшергән видеосы чыкты. Хокук сакчылары моны кем төшергәнен ачыклаган, видеолар Чаллыда яшәүче ике кешенең телефонында табылган.
«Татар-информ»га билгеле булганча, күзәтчелек ведомствосы аларны мондый материалларны тарату мәгълүматны саклау, илкүләм оборона, шулай ук террорчылыкка каршы тору мәсьәләләрен җайга сала торган федераль закон таләпләренә каршы килә дип кисәткән. Мондый гамәлләр дошманга яңа һөҗүмнәрне төзәтергә ярдәм итә ала.
Прокуратура искәрткәнчә, мондый эшләр өчен җаваплылык, хәтта җинаять җаваплылыгы каралган. Чаллыда яшәүче ике кешегә дә бу видеоларны юкка чыгарырга һәм алга таба мондый язмаларны таратмаска киңәш ителгән.
Кызыклы яңалыкларны күзәтеп бару өчен Телеграм-каналга язылыгыз