Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Прокопьевск шәһәрендә «Татар кызы» бәйгесе җиңүчесе билгеле
Кемерово өлкәсенең Прокопьевск шәһәрендә «Татар кызы - 2023» матурлык һәм талант бәйгесе узды. Бу хакта Бөтендөнья татар конгрессының матбугат хезмәте хәбәр итә.
«Татар кызы - 2023» исеменә Новокузнецк шәһәреннән 13 яшьлек Регина Хәйбуллина лаек булды. Бәйгедә катнашкан барлык кызларга төрле номинацияләрдә җиңүче тасмалары, кыйммәтле бүләкләр һәм чәчәк бәйләмнәре тапшырылды.
«Әлеге конкурс ел саен масштаблырак һәм кызыклырак үтә, яңа йолдызлар кабыза, милли колориты белән куандыра. Бәйге яшь буында үз милләтенең тарихи-мәдәни мирасына карата кызыксынуны арттырырга ярдәм итә», диелә хәбәрдә.
12-14 яшьлек кызлар түбәндәге номинацияләрдә ярышты:
- «Мин – үз халкымның кызы» (визит карточкасы);
- «Яраткан халкымның ритмнарында» (иҗади бәйге);
- «Тәмле аш» (кулинар бәйге);
- «Татар гүзәле» (милли традицион костюмда дефиле).
Кызыклы яңалыкларны күзәтеп бару өчен Телеграм-каналга язылыгыз