Профессор Рәис Бохараев исемендәге «Татар.Бу Хакатон» ярышына гаризалар кабул ителә
Скопировать ссылку
Мәктәп укучыларын һәм студентларны татар теле һәм мәдәниятен үстерүгә юнәлтелгән инновацион IT-проектлар булдыру өчен профессор Рәис Бохараев исемендәге «Татар.Бу Хакатон» ярышында катнашырга чакыралар. Бу хакта ТР Фәннәр академиясе Гамәли семиотика институты хәбәр итте.
Ярышта 7-11 нче сыйныф укучылары, көллият студентлары, югары уку йортларының 1-5нче курс студентлары катнаша ала.
Катнашу нәрсә бирә?
- идеяңне прототипка кадәр җиткерү мөмкинлеге;
- ябык инструментлардан файдалану мөмкинлеге;
- ТР Фәннәр академиясенең Гамәли семиотика институтында стажировка узу мөмкинлеге.
Проектның приз фонды – 600 000 сум. Җиңүчеләр үз проектларын Kazan Digital Week – 2026 форумында Стартаплар аллеясендә тәкъдим итә алачак.
Төп даталар:
- 7 сентябрьгә кадәр — гаризалар кабул итү;
- 11 сентябрь — катнашучыларны сайлап алу;
- 18-20 сентябрь — хакатон;
- 29-31 октябрь — җиңүчеләр Kazan Digital Week форумында катнаша.
Гаризаларны сылтама аша җибәрергә мөмкин.
Фото: Гамәли семиотика институты