Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Приморьеда биш катлы торак йорт стенасы җимерелгән, 17 фатирга зыян килгән
Фаҗига урынында төшерелгән видеоны «Вести.Приморье» каналы күрсәтте.
(Казан, 15 октябрь, «Татар-информ»). Приморье краеның Шкотовский районы Новонежино бистәсендә биш катлы торак йорт стенасы җимерелгән. Бу хакта РИА Новости агентлыгы хәбәр итә.
Гадәттән тыш хәл сишәмбегә каршы төндә булган. РИА Новости агентлыгына Тикшерү комитетының төбәк идарәсендә белдерүләренчә, күрше фатирда урнаштырылган төзек булмаган җылыткыч гадәттән тыш хәлнең сәбәпчесе булырга мөмкин.
Башлангыч мәгълүматларга караганда, бер хатын-кыз үлгән. Торак йортның стенасы җимерелү нәтиҗәсендә 17 фатирга зыян килгән, дип хәбәр иттеләр Гадәттән тыш хәлләр министрлыгыннан. Йортта яшәүчеләрнең бер өлешен эвакуацияләгәннәр.
Җиде кешене вакытлыча җирле клубта урнаштырганнар, шулай ук Смоляново бистәсе мәктәбендә махсус пункт булдырылган. Коткаручылар кешеләргә фатирлардан йорт хайваннарын чыгарырга һәм кирәкле әйберләрне алырга ярдәм итә.
Гадәттән тыш хәл буенча җинаять эше кузгатылган. Шул урында төшерелгән видео «Вести.Приморье» каналында урнаштырылган.
Кызыклы яңалыкларны күзәтеп бару өчен Телеграм-каналга язылыгыз