news_header_top
16+
news_header_bot
news_top

Приморье крае нәзарәте Россия Үзәк Диния нәзарәте составында Владивостокта теркәлгән

Приморье крае Диния нәзарәте Владивосток, Уссурийск шәһәрләрендәге, шулай ук Приморье краеның Надеждино районында урнашкан Тавричанка бистәсендәге җәмгыятьләрне берләштерә.

(Казан, 18 август, «Татар-информ»). Приморье крае мөселманнары Диния нәзарәтенең Россия Үзәк Диния нәзарәте составына керүе турында 2020 елның 18 августында территориаль юстиция органы тарафыннан дәүләт теркәвенә алу турындагы таныклык бирелгән. Бу хакта Россия Мөфтиләр шурасы сайтында хәбәр ителә.

Приморье имам-мөхтәсибе Җәмал хәзрәт Гарифуллин кандидатурасы Россия Федерациясе мөселманнары Диния нәзарәте рәисе мөфти шәех Равил Гайнетдин тарафыннан расланды. Ул 2020 елның 27 июнендә дини оешма корылтаенда сайланган иде.

Яңа төбәк Диния нәзарәте – Приморье мөхтәсибәте Россия Федерациясе субъектларында үзәкләштерелгән дини оешмалар өчен булган РФ Диния нәзарәтенең типик уставы нигезендә теркәлгән. Приморье крае Диния нәзарәте Владивосток, Уссурийск шәһәрләрендәге, шулай ук Приморье краеның Надеждино районында урнашкан Тавричанка бистәсендәге җәмгыятьләрне берләштерә.

news_right_1
news_right_2
news_bot