Приморье краенда VII Балалар Сабан туе узачак
Скопировать ссылку
Приморье крае татарлары һәм башкортлары Находка шәһәрендә VII Балалар Сабан туен әзерли. «Россия – ул без!» дип аталган бәйрәм 19 сентябрьдә Тозлы күл яры буенда узачак. Чара 13:00 сәгатьтә башлана. Бу хакта ВКонтакте социаль челтәрендәге «Приморье крае татарлары һәм башкортлары» төркеме хәбәр итә.
2026 елда Балалар Сабан туе Россия халыклары бердәмлеге елына багышлана һәм «Ике исем – ике канат» проекты кысаларында үткәрелә. Бәйрәмне «Туган ил» Приморье крае татарлары һәм башкортлары иҗтимагый оешмасы оештыра.
Исегезгә төшерик, «Ике исем – ике канат» проекты 2025 елда Татарстан Республикасы Рәисе грантлары конкурсы җиңүчесе булды.