Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Президент әйткән сүз тормышка ашмый калганы юк - Дәүләт Советы депутаты
Разил Вәлиев 2018 елга бюджет планыннан бик үк канәгать булмавын белдерде.
(Казан, 6 октябрь, "Татар-информ", Лилия Локманова). Татарстан Дәүләт Советының мәгариф, мәдәният, фән һәм милли мәсьәләләр комитеты рәисе Разил Вәлиев фикеренчә, мәдәният өлкәсендә эшләүче ярдәмчел һөнәр ияләренең хезмәт хакы канәгатьләнерлек түгел. Бу фикерләрен ул бүген комитет утырышында 2018 елга бюджет планын караганнан соң журналистларга да җиткерде.
"Һәр елны Татарстанда 50ләп клуб, мәдәният йорты салына. Ул мәдәният йортларында кемнәр эшләргә тиеш, анда уку йортларын тәмамлан яшьләр барамы? Бик үк барырга атлыгып тормыйлар. Югыйсә безнең "Мәдәният турында"гы канунның 4 нче матдәсендә ачык итеп язылган: анда барган кешеләргә өстәмә акча түләнергә тиеш. Ул зур акча да түгел, тик канунның шул матдәсе елдан-ел гамәлдән чыгарыла һәм үтәлми", – ди Разил Вәлиев.
Комитет җитәкчесе Татарстан Президенты Рөстәм Миңнехановның депутатларга еллык юлламасында милли югары уку йорты һәм зур концертлар залы төзергә кирәклеген билгеләп үтүен дә искә алды.
"Əмма бюджетта әлеге максатларга да акча каралмаган. Бу мәсьәлә дә безне бик борчый. Тик Президент әйткән икән, ул инде гамәлгә ашар дип уйлыйбыз. Президент әйткән сүз тормышка ашмый калганы юк", – диде парламент вәкиле.
Кызыклы яңалыкларны күзәтеп бару өчен Телеграм-каналга язылыгыз