Владимир Путин Рөстәм Миңнехановны Яңа ел белән котлады
Россия Президенты Татарстан башлыгына котлау открыткасы җибәрде.
Скопировать ссылку
(Казан, 31 декабрь, «Татар-информ»). Яңа ел безгә кабатланмас тылсым һәм могҗиза атмосферасы, якыннарыбыз һәм туганнарыбыз белән аралашу җылысы бирә. Барлык борчу-мәшәкатьләр узып китәр дигән ышанычны арттыра. Бу юлларны Россия Президенты Владимир Путин Татарстан Президенты Рөстәм Миңнехановка юллаган котлау открыткасына язган.
«Киләсе ел сезнең өчен уңышлы булсын, иҗади казанышлар һәм изге эшләр белән истә калсын. Ныклы сәламәтлек һәм бары тик яхшылык кына телим», — диде Путин.
Алдарак Татарстан Президентының матбугат хезмәте җитәкчесе Лилия Галимова Рөстәм Миңнеханов Яңа елны гаиләсе белән үткәрәчәк дип хәбәр иткән иде.