news_header_top
16+
news_header_bot
news_top

Президент Рөстәм Миңнеханов “Ашан”ның Россиядәге генераль директоры белән очрашты

Убнер әфәнде “Ашан” Франция компаниясенең үз илендә һәм Россиядә үсеш планнары турында кыскача сөйләде

  (Казан, 10 февраль, «Татар-информ»). Бүген Татарстан Республикасы Президенты Рөстәм Миңнеханов “Ашан” ның Россиядәге генераль директоры Вильгельм Убнер белән очрашты.

ТР Хөкүмәте йортында узган очрашуда ТР Премьер-министры урынбасары – ТР сәнәгать һәм сәүдә министры Равил Зарипов, ТР Президенты ярдәмчесе Айрат Хәйруллин, Казан мэры Илсур Метшин катнашты.

Убнер әфәнде Рөстәм Миңнехановка шәхсән танышу мөмкинлеге өчен рәхмәт белдерде һәм  “Ашан”  француз компаниясенең үз илендә һәм Россиядә үсеш планнары турында кыскача сөйләде, дип хәбәр итә ТР Президенты матубгат хезмәте.

Очрашуда яклар киләчәктә дә Татарстанда “Ашан” челтәре уңышлы үсешенә өмет баглады.

Фотосурәт prav.tatarstan.ru сайтыннан алынды.
 

news_right_1
news_right_2
news_bot