news_header_top_970_100
news_header_bot_970_100

Президент китапханәсе филиалын Казанда ачу турындагы килешүгә кул куелды

Китапханә филиаллары Омски, Төмән һәм Улан-Удэда да булдырылачак

(Казан, 29 октябрь, «Татар-информ»). ТР Премьер-министры урынбасары – мәдәният министры Зилә Вәлиева кичә Санкт-Петербургта Б.Н.Ельцин исемендәге Президент китапханәсендә узган Россия Федерациясе субъектларында Президент китапханәсе филиаллары булдыру турындагы беренче бөтенроссия киңәшмәсендә катнашты.
Киңәшмәдә ТР Премьер-министры урынбасары – мәдәният министры Зилә Вәлиева белән Президент китапханәсенең генераль директоры Александр Вершинин Казанда Президент китапханәсе филиалы булдыру буенча хезмәттәшлек итү турындагы килешүгә кул куйды. Бу хакта ТР Мәдәният министрлыгының сайтында хәбәр ителә.
Киңәшмәдә шулай ук Омски, Төмән һәм Улан-Удэда Президент китапханәсе филиалы булдыру буенча хезмәттәшлек итү турындагы килешүгә кул куелды.
РФ Президентының 2007 елның 18 июнендәге боерыгы нигезендә Б.Н.Ельцин исемендәге Президент китапханәсе филиаллары Россия Федерациясенең барлык субъектларында да ачылачак.

news_right_column_1_240_400
news_right_column_2_240_400
news_bot_970_100