Президент “Газпром” башлыгы белән Татарстанда газ инфраструктурасы турында фикер алышты
Очрашу VIII Петербург халыкара газ форумы кысаларында узды.
Скопировать ссылку
(Казан, 4 октябрь, “Татар-информ”). Татарстан Президенты Рөстәм Миңнеханов “Газпром” башлыгы Алексей Миллер белән Татарстанда газ инфраструктурасы үсешенә кагылышлы кайбер мәсьәләләр турында фикер алышты. Бу хакта Татарстан Президентының матбугат хезмәте хәбәр итә.
“Очрашуда республика газ инфраструктурасы үсеше белән бәйле уртак проектлар буенча кайбер мәсьәләләргә тукталдылар. Шулай ук очрашуда газ-мотор ягулыгы базарын киңәйтү мәсьәләләре күтәрелде.”, - диелгән матбугат хезмәте хәбәрендә.
- Татарстан Президенты җитәкчелегендә Татарстан делегациясе VIII Петербург халыкара газ форумы эшендә катнаша.