Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Президент Дәүләт торак фондына соципотека килешүен өзү буенча хәлне аңлатырга кушкан
Дәүләт торак фонды җитәкчелеге әлеге хәлгә якын арада аңлатма бирәчәк.
(Казан, 11 октябрь, “Татар-информ”, Егор Никитин). Татарстан Президенты Рөстәм Миңнеханов Дәүләт торак фонды җитәкчелегенә социаль ипотека килешүләрен өзү очрагы тирәсендәге хәлне ачыкларга кушты . Бу хакта журналистларга Казан Кремленең рәсми вәкиле Лилия Галимова хәбәр итте.
“Кичә Рөстәм Нургали улы Миңнеханов фонд җитәкчесенә әлеге хәлне ачыклауда катгый йөкләмә бирде, матбугат вәкилләре алдында чыгыш ясарга һәм булган хәлнең нәрсәгә бәйле икәнен аңлатырга кушты. Сүз дә юк, без андый карарларны хупламыйбыз”, - диде Галимова.
Татарстан Президентының матбугат хезмәте җитәкчесе урынбасары якын арада Дәүләт торак фонды җитәкчелеге матбугат вәкилләре алдында чыгыш ясаячак һәм булган хәлне аңлатачак, дип өстәп әйтте.
Массакүләм матбугат чараларының кайберләрендә “Салават Күпере” комплексының социаль ипотекада катнашучылары һәм Татарстан Президенты карамагындагы Дәүләт торак фонды арасындагы килешүнең бер яклап өзелүе турында мәгълүмат барлыкка килгән иде.
Кызыклы яңалыкларны күзәтеп бару өчен Телеграм-каналга язылыгыз