Казанга Камбоджа Премьер-министры Хун Манет килде
Скопировать ссылку
Камбоджа Корольлеге Премьер-министры Хун Манет Россия – АСЕАН саммиты чараларында катнашу өчен Казанга килде. Бу хакта Татарстан Республикасы Дәүләт Советы матбугат хезмәте хәбәр итә.
Габдулла Тукай исемендәге «Казан» халыкара аэропортында аны ТР Дәүләт Советы Рәисе вазифаларын башкаручы Марат Әхмәтов каршы алды.
17-19 июньдә Казан Россия – Көньяк-Көнчыгыш Азия дәүләтләре ассоциациясе (АСЕАН) саммитын кабул итә.