news_header_top_970_100
news_header_bot_970_100

Полицейскилар 82 яшьлек әбине коткарган

Янгын чыкканны ул абайламаган да булган...

 (Казан, 5 сентябрь, “Татар-информ”). Яшел Үзән ведомстводан тыш сак хезмәте хезмәткәрләре Васильевода янган йорттан бер хатынны коткарган.

Төнге икедә ведомстводан тыш сак хезмәте пультына Юбилейная урамындагы йортта “тревога” сигналы эшли башлау турында хәбәр килә. Өч минут эчендә барып җиткән полиция хезмәткәрләре тиз арада янгын сүндерүчеләрне чакырта. Алар ут ялмап алган йортның бикле ишегалдына көч-хәл белән үтеп кереп, тәрәзәне шакый башлыйлар. Берни аңламаган 82 яшьлек әбине тәрәзәдән тартып чыгаралар. Зыян күргән карчыкны дәваханәгә алып китәләр. Чаралар тиз күрелсә дә, йортны һәм мунчаны саклап алып калу мөмкин булмый. Бәхеткә, өйдә башка кеше булмаган, дип хәбәр итә Яшел Үзән җирле басмасы.

news_right_column_1_240_400
news_right_column_2_240_400
news_bot_970_100