Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Күп функцияле үзәкләре сайлауда тавыш бирү өчен гариза кабул итә башлады
Урнашкан урын буенча сайлаучылар исемлегенә кертү турындагы гаризаны бер тапкыр гына бирергә мөмкин.
(Казан, 30 июль, «Татар-информ»). Татарстанның Күп функцияле үзәкләре сайлауларда урнашкан урын буенча тавыш бирү өчен гаризалар кабул итә башлады. Гаризаны 8 сентябрьгә кадәр тапшырырга мөмкин. Бу хакта Татарстандагы Күп функцияле үзәкнең матбугат хезмәте хәбәр итә.
«59 офисның барысы да республика Президентын сайлау өчен, Татарстан территориясендә гражданин тарафыннан сайланган уңайлы участокны күрсәтеп, ертып алына торган талоннар бирә ала», - диелә хәбәрдә.
37нче Алабуга округы сайлаучылары (анда ТР Дәүләт Советы депутатын өстәмә сайлаулар да узачак) конкрет әлеге сайлауларга бәйле рәвештә урнашкан урын буенча тавыш бирү турындагы гаризаны Алабугадагы Күп функцияле үзәктә генә тапшыра ала.
28нче Түбән Кама бермандатлы округы сайлаучылары Дәүләт Думасы депутатына тавыш бирү өчен үзләренә уңайлы участокны бары тик Түбән Кама, Зәй, Аксубай, Әлки, Алексеевск, Яңа Чишмә, Нурлат, Спас, Чирмешән, Чистай районнары һәм Кама Аланындагы Күп функцияле үзәкләрдә генә сайлау мөмкинлегенә ия.
Күп функцияле үзәкләрдә теркәлү урыныннан тыш участок сайлау хезмәте паспорт күрсәткән очракта гына тәкъдим ителә. Әгәр паспортны алыштыру вакыты җитеп, аны тапшыргансыз икән, ул чагында вакытлыча бирелгән таныклык тәкъдим итәргә кирәк.
Урнашкан урын буенча сайлаучылар исемлегенә кертү турындагы гаризаны бер тапкыр гына тапшырырга рөхсәт ителә. Сайлауларда 11 сентябрьдән 13енә кадәр тавыш бирергә мөмкин.
Кызыклы яңалыкларны күзәтеп бару өчен Телеграм-каналга язылыгыз