Фәрит Мөхәммәтшин күп көнлек тавыш бирүгә карата фикерен белдерде
ТР Дәүләт Советы республика Сайлау кодексына төзәтмәләрне беренче укылышта кабул итте.
(Казан, 26 ноябрь, «Татар-информ»). ТР Сайлау кодексындагы үзгәрешләр сайлауда катнашучыларның иминлеген кайгыртуга юнәлдерелгән. ТР Дәүләт Советы Рәисе Фәрит Мөхәммәтшин «Татар-информ» агентлыгына шундый фикерен белдерде.
«Коронавирус пандемиясенә бәйле рәвештә киләсе елда сайлау процессы катлаулы булачак. Төп бурычлар сайлау кампаниясендә катнашучыларның иминлегенә, үз ихтыярыңны белдерү мөмкинлеген тәэмин итүгә, сайлауларның чисталыгын һәм легитимлыгын оештыруга бәйле булыр дип көтелә», - диде Мөхәммәтшин.
Аның сүзләренчә, икенче һәм өченче укылышта закон проектына үзгәрешләр кертелергә мөмкин. «Безнең төп бурыч – сайлауларга ышаныч һәм иминлекне тәэмин итү», - дип ачыклык кертте Мөхәммәтшин.
ТР Дәүләт Советының 17нче утырышында ТР Сайлау кодексына төзәтмәләр кертүгә кагылышлы закон проектын бүген беренче укылышта кабул иттеләр. Закон проекты сайлау һәм референдумнарда күп көнлек тавыш бирү мөмкинлеген күздә тота.