news_header_top_970_100
16+
news_header_bot_970_100

Сентябрь сайлауларында Татарстан Үзәк сайлау комиссиясендә видеостена эшләячәк

Видеостена сайлау участокларында иң катлаулы һәм бәхәсле хәлләрне ачыкларга ярдәм итәргә тиеш.

(Казан, 26 июль, «Татар-информ», Елена Симакова). Бердәм тавыш бирү көнендә, 19 сентябрьдә, Татарстан Үзәк сайлау комиссиясендә видеостена эшләячәк, аңа республиканың сайлау участокларыннан трансляция чыгарылачак.

«Без сайлауларның ничек узуын күзәтәчәкбез. Бүгенге көндә бездә экраннарның техник параметрлары бар. Бары тик бина буенча аның нинди критерийларга җавап бирергә тиешлеген генә ачыкларга кирәк. Бу юнәлештә билгеле бер эш көтә», — диде ТР Иҗтимагый палатасы рәисе Зилә Вәлиева «Күзәтүчеләрне әзерләү һәм укыту» темасына багышланган түгәрәк өстәлдә.

Видеостена видеоязманы саклауга көйләнгән, дип аңлатты Зилә Вәлиева. Әлеге функция сайлау участокларында иң катлаулы һәм бәхәсле хәлләрне ачыкларга ярдәм итәргә тиеш.





autoscroll_news_right_240_400_1
autoscroll_news_right_240_400_2
news_bot_970_100