Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Юрий Камалтынов Казанда Россия Конституциясенә төзәтмәләр буенча тавыш бирде
Илнең Төп законына кертелгән үзгәрешләр гражданнарның тормышын яхшыртачак, дип саный Татарстан Дәүләт Советы депутаты.
(Казан, 26 июнь, «Татар-информ»). Татарстан Дәүләт Советы Рәисе урынбасары Юрий Камалтынов Россия Конституциясенә төзәтмәләр кертү буенча тавыш бирүдә катнашты. Депутат Туполев исемендәге КНИТУ (КАИ) бинасында урнашкан участокта булды.
Сайлау пунктына кергәндә Юрий Камалтыновның температурасын үлчәделәр һәм шәхси саклану чаралары бирделәр. Аннары ул ерактан сайлау комиссиясе әгъзасына паспортын ачып күрсәтте, бюллетень алды һәм тавыш бирү кабинасына китте.
«Конституциягә төзәтмәләр кеше һәм гаилә мәнфәгатьләрен, рухи кыйммәтләрне яклауны ныгыта, «ватанпәрвәрлек» сүзе үзенең чын мәгънәсен ала. Кешеләрнең тормышын яхшырту өчен башкарылган эш, һичшиксез, хупланырга тиеш», — диде ул журналистлар белән әңгәмә вакытында.
Аеруча гаилә институтына ярдәм итүгә кагылышлы һәм минималь хезмәт хакын билгеләүче төзәтмәләр, шулай ук дәүләт мәнфәгатьләренә бәйле барлык үзгәрешләр мөһим, дип өстәде Юрий Камалтынов.
«Теләсә нинди аек акыллы кеше тавыш бирү нәтиҗәләре буенча Конституциягә кертелергә мөмкин булган өстәмәләрнең никадәр мөһим булуын аңлый. Шуңа күрә кешеләр тавыш бирергә килергә тиеш», — диде Татарстан Дәүләт Советы Рәисе урынбасары.
Бүген Россия төбәкләрендә РФ Конституциясенә төзәтмәләр буенча тавыш бирүнең икенче көне уза. 1 июльгә кадәр тавыш бирергә мөмкин булачак. Татарстанда моның өчен 65 территориаль һәм 2809 участок сайлау комиссиясе эшли. Моннан тыш, республикада ачык һавада 370 мәйданчык булдырылган.
Татарстан Президенты Рөстәм Миңнеханов, Татарстан Премьер-министры Алексей Песошин, Татарстан Дәүләт Советы Рәисе урынбасарлары Марат Әхмәтов һәм Татьяна Ларионова, Татарстан мөфтие Камил хәзрәт Сәмигуллин һәм республиканың башка танылган эшлеклеләре үз тавышларын бирде.
Кызыклы яңалыкларны күзәтеп бару өчен Телеграм-каналга язылыгыз