Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Халыкара шахтерлар сабантуе Федераль сабантуй үрнәгендә ике көн уздырыла
Сабантуй 26 июньдә башлана.
(Казан, 25 июнь, «Татар-информ», Рузилә Мөхәммәтова). Кемеровода халыкара шахтерлар сабантуе ике көнгә сузылачак. Оештыручылар аның федераль сабантуй үрнәгендә оештырылуын әйтә.
«Халыкара шахтерлар сабантуе беренче тапкыр уздырыла. Без аны федераль сабантуй форматында уздырырга булдык. Беренче көнне Татарстан сәнгать осталары концерты була», - диде ТР Мәдәният министрлыгының халыкара хезмәттәшлек бүлеге мөдире Виктория Даутова.
«Безнең бирегә „Казан нуры“ оркестры, „Агыйдел“ дәүләт анамбле, Казан дәүләт фольклор ансамбле, Зәйнәп Фәрхетдинова һәм Зөфәр Билалов, Фән Вәлиәхмәтов һәм башкалар килде», — диде ул.
Бәйрәм 26 июнь көнне Кемерово янындагы Кабан авылында башланып китә. Сабантуйның рәсми ачылу тантанасы да биредә була.
Сабантуйның беренче көнендә традицион ат чабышлары булачак. Параллель рәвештә Кузбасс иҗат коллективлары чыгышы көтелә. Икенче көнне бәйрәм Кемеровоның «Мәскәү» мәйданында дәвам итәчәк.
Сабантуй кысаларында төрле төбәкләрдән килгән шахтерлар делегацияләренең һәм күмер сәнәгате ветераннары парады булачак.
Сабантуйның традицион уеннарын Лениногорск районы әзерләгән. Бөтен кирәк-яракны да алар алып килә. Сабантуенда милли көрәш тә булачак.
Кызыклы яңалыкларны күзәтеп бару өчен Телеграм-каналга язылыгыз