Аксубай балалар китапханәсенә 70 ел тулды

Бүген китапханә фондында 18 меңнән күбрәк басма бар.

(Казан, 22 ноябрь, "Татар-информ", "Аксубай"). Аксубайның балалар китапханәсенә 70 ел тулды. Ул 1950 елның 17 ноябрендә ачылган. Бу хакта район газетасы яза.

Балалар китапханәсенең китап фондында башта 2700 китап була. Бүген аның фондында 18393 басма бар.

Балалар китапханәсе 70 еллык уңышлы, данлы юл үткән. Китапханә республика бәйгеләрендә күптапкырлар призлы урыннар яулый.

2002 елда «Балалар китапханәсе -2002» республика конкурсында «Эшлекле китапханә» номинациясендә җиңүче, 2005 елда – «Җиңү салюты» халык иҗаты республика дипломанты була. 2007 елда «Балалар китапханәсе-2007» республика конкурсында «Уку бәйрәме» номинациясендә беренче урынны яулый. 2012 елда «Сугыш көйдергән балачак» электрон презентацияләр республика конкурсында өченче урынны ала. Бу презентация авторы В.В. Давыдова. Шул ук елны балалар китапханәсе «Россия тарихы елында китапханәләр» Бөтенроссия бәйгесе дипломанты була.

2006 елда Аксубай җирлекара китапханәсе балалар китапханәсенең турыдан-туры катнашуы аркасында «Иҗат конкурсы» республика бәйгесе лауреаты, ә 2012 елда «Экология һәм мәдәният» номинациясендә лидер була.

Китапханәчеләр яшь укучылар өчен китапханәне «Китаплар замогына» әйләндерделәр. Аны яшь категорияләрен исәпкә алып, матур итеп бизәделәр. Һәр почмакта аерым мәгълүмат тупланган. Шул рәвешле килүчеләр язучылар – агымдагы ел юбилярлары, юбиляр-китаплар турында мәгълүматлар ала, балалар китапханәсенә килгән «Газета һәм журналлар бәйләме» белән таныша алалар. Алар өчен «Родничок» клубы эшләп килә, аның максаты һәм бурычлары – туган төбәк турындагы әдәбият һәм якташлар иҗаты белән таныштыру, үзеңне әдәби иҗатта сынап карау мөмкинлеге бирү.

Хәзерге вакытта балалар китапханәсе абонемент, уку залын һәм «Гаилә китапханәсен» бүлеген үз эченә ала. «Гаилә китапханәсе» бүлеге белән берлектә курчак театры оештырылган. Балалар, беренче сыйныф укучылары белән очрашулар, уеннар һәм театральләштерелгән элементларны кулланып курчак персонажлары белән уза. Балалар китапханәсендә үз эшләренә тугры булган чын профессионаллар коллективы эшли.

Тулырак: http://aksubayevo.ru/news/sogy-yaalyklar/aksubay-balalar-kitapkhansen-70-el