Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: Татарстанлылар үсеш һәм үткәнгә сакчыл караш өчен тавыш бирделәр
Бүген Рөстәм Миңнеханов Татарстан Республикасы Президенты вазифасына кереште.
(Казан, 18 сентябрь, «Татар-информ»). Татарстан Республикасы Президенты сайлауларында республика халкы Рөстәм Миңнеханов өчен тавыш бирде, чөнки ул үткәрә торган сәясәт ышанычлы динамик үсешне һәм үткәндәге казанышларга сак карашны үз эченә ала. Бу хакта инаугурациядә Татарстан Республикасы Дәүләт Советы Рәисе Фәрит Мөхәммәтшин әйтте.
«Күп партияле альтернатив нигездә, татарстанлыларның күпчелеге - 83 проценттан артыгы Президент итеп Рөстәм Нургалиевич Миңнехановны сайлады. Аның җитәкчелегендә тормышка ашырыла торган сәясәт өчен тавыш бирделәр, чөнки ул ышанычлы динамик үсешне һәм үткәндәге казанышларга сак карашны үз эченә ала. Халык Татарстанның хәзерге командасына, дәүләт һәм муниципаль хакимият органнарына, „Бердәм Россия“ партиясе вәкилләренә югары ышаныч белдерде», — диде ул.
Мөхәммәтшин Рөстәм Миңнеханов Президент булып торган ун елны иҗат декадасы дип атады.
«Безнең көннәрдә Татарстан — югары конкурентлыкка ия булган, халыкара аренада танылган, илдә лидерлар сафына керүче, киләчәккә омтылган территория», — дип билгеләп үтте Татарстан Республикасы Дәүләт Советы Рәисе.
Кызыклы яңалыкларны күзәтеп бару өчен Телеграм-каналга язылыгыз