Татарстанның Үзәк сайлау комиссиясе рәисе барлык камералар тикшерелгәнен әйтте

Татарстанда сайлау участокларында 14 мең күзәтүче теркәлгән.

(Казан, 17 сентябрь, «Татар-информ», Гөлнар Гарифуллина). Татарстанның Үзәк сайлау комиссиясе рәисе Андрей Кондратьев барлык камералар җентекләп тикшерелгәнен әйтте.

«Кичә төнгә кадәр эш барды, камераларның барлык ракурслары, геопозицияләре тикшерелде. Бүген 25 участокны ачтым, видеокүзәтү, камералар ничек эшләгәнен карадым. Күзәтүчеләр һәркайда бар, әрҗәләрне мөһерләүдә катнашалар», — диде ул Бердәм мәгълүмат үзәгендә матбугат конференциясендә.

Участоклар ачылганда 14 мең күзәтүче теркәлгәнен әйтте. 3 мең кеше Иҗтимагый палатадан эшли. 

Кондратьев, шулай ук, һәр сайлау участогында дезинфекция чаралары үткәрелгәнен, санитар-саклану чаралары үтәлүен билгеләп узды.

Ул 25 участокның 18 е гомуми урта белем бирү учреждениеләрендә урнашканын искәртте.