Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Менделеевскида Үзбәкстан парламенты составы өчен 14 кеше вакытыннан алда тавыш бирде
Менделеевскида алдан тавыш бирү процедурасын Үзбәкстан Республикасының Россиядәге илчелеге вәкилләре үткәрде.
(Казан, 15 декабрь, «Татар-информ»). 22 декабрьдә Үзбәкстан Республикасында Олы Мәҗлеснең закон чыгару палатасына сайлаулар узачак. Бу мөһим вакыйгадан башка җирдә яшәүче гражданнар да читтә калмый. С.Гассар исемендәге Мәдәният йортында оештырылган сайлау участогында Үзбәкстан парламенты составы өчен вакытыннан алда 14 кеше тавыш бирде. Бу хакта «Менделеевск» мәгълүмат үзәге хәбәр итә.
Рафаэль Гыйззәтуллин Менделеевскида сайлау участогы эшләвенә сөенде. Һәр тавышның мөһим булуын аңлап, шуның өчен ул ватандашлары белән Казанга барырга теләгән иде. Менделеевскида 12 ел инде пешекче булып эшли.
Тавыш бирүдә катнашкан тагын бер Үзбәкстан хатын-кызы Менделеевскига күптән түгел күченгән. Хәзер ул пенсиядә, балалары биредә яши, аларга бик ошый.
«Бүген гражданлык бурычын үтәргә килдем. Ватаныбызда туганнар күп калды, үз тавышым белән аларга ярдәм итәрмен дип уйлыйм», – диде сайлаучы.
Менделеевскида алдан тавыш бирү процедурасын Үзбәкстан Республикасының Россиядәге илчелеге вәкилләре үткәрде.
Кызыклы яңалыкларны күзәтеп бару өчен Телеграм-каналга язылыгыз