Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин 2024 елда Россия Президенты вазифасына кабат сайланачагын әлегә хәл итмәгән
Россия Президенты әлеге пробема хакында фикер алышуның тотрыклылыкны какшатуын әйтте.
(Казан, 14 октябрь, «Татар-информ»). Россия Президенты Владимир Путин дәүләт башлыгы вазифасына кабат сайланачагын әлегә хәл итмәгән. Ул CNBC (Америка) телеканалы алып баручысы Хедли Гэмблга кичә узган «Россия энергетика атналыгы» форумының пленар утырышы төгәлләнгәннән соң биргән интервьюсында шулай дип белдерде. Бу хакта Кремльнең матбугат хезмәте хәбәр итә.
Хәбәрче Путиннан үзенең эшен дәвам иттерәчәк кеше хакында ни уйлавы һәм 84 яшькә кадәр (ягъни 2036 елга хәтле — Т-и иск.) дәүләт башлыгы булып калырга теләге бармы-юкмы икәнлеге турында сорады.
«Мин мондый сорауларга җавап бирмим, бу минем традицион җавап. Алдагы сайауларга кадәр әле шактый вакыт бар», — диде Россия лидеры.
Шул ук вакытта, Владимир Путин әлеге пробема хакында фикер алышуның тотрыклылыкны какшатуын әйтте. «Әлеге темага сөйләшүләр вазгыятьне какшата. Бөтен хакимият органнары, барлык дәүләт структуралары да ышнанычлы рәвештә эшләсен, киләчәккә тыныч карасын өчен вазгыять тотрыклы булырга тиеш», — дип аңлатты сәясәтче үз позициясен.
«Әйе, Конституция миңа моны эшләргә, алдагы срокка кабат сайланырга мөмкинлек бирә, әмма бу уңайдан әлегә бернинди карар да кабул ителмәгән», — дип сүзен төгәлләде РФ Президенты.
Кызыклы яңалыкларны күзәтеп бару өчен Телеграм-каналга язылыгыз