Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Депутатлар Сабированы Иҗтимагый палата әгъзалыгына кандидат итеп күрсәтүне хуплады
Республика парламенты уңай карар кабул иткән очракта, «Ватаным Татарстан» газетасының баш мөхәррире ТР Иҗтимагый палатасы әгъзасы булачак.
(Казан, 14 июль, «Татар-информ», Надежда Гордеева). Депутатлар «Ватаным Татарстан» газетасының баш мөхәррире Гөлнара Сабированы ТР Иҗтимагый палатасы әгъзалыгына кандидат сыйфатында күрсәтүне хуплады. Бүген ТР Дәүләт Советының Законлылык һәм хокук тәртибе комитеты утырышында шул хакта карар кабул ителде.
«Дәүләт Советы каравына «Гражданлык инициативаларына ярдәм күрсәтү үзәге» төбәк иҗтимагый фондыннан «Ватаным Татарстан» газетасының баш мөхәррире Гөлнара Сабированы ТР Иҗтимагый палатасы әгъзасы итеп раслау үтенече белән материаллар килде», - дип белдерде парламент комитеты рәисе урынбасары Александр Чубаров.
Сабирова вәкаләтләре вакытыннан алда туктатылган Илдар Суфияров урынына республика Иҗтимагый палатасы әгъзасы булырга мөмкин. «Ул шулай ук Дәүләт Советыннан да тәкъдим ителде. Әмма ТР Тарифлар буенча дәүләт комитетына эшкә күчүенә бәйле рәвештә хәзер Суфияров Иҗтимагый палата әгъзасы түгел», - дип искәртте Чубаров.
«Ватаным Татарстан» газетасының баш мөхәррире сүзләренчә, ул мәдәният комиссиясе составына керергә тели.
Кызыклы яңалыкларны күзәтеп бару өчен Телеграм-каналга язылыгыз