Экзит-полл буенча Татарстан Президентына кандидатларга күпме тавыш бирелгәне билгеле

Социологлар тавыш биреп чыккан 8 меңгә якын кешене сораштырган.

Скопировать ссылку

(Казан, 13 сентябрь, «Татар-информ», Гөлнар Гарифуллина). Экзит-полл нәтиҗәләре буенча Татарстан Президентына кандидатларга күпме тавыш бирелгәне мәгълүм. Бу хакта Бердәм мәгълүмат үзәгендә КФУның конфликтология кафедрасы мөдире, КФУ каршындагы иҗтимагый-сәяси һәм этноконфессиональ мәсьәләләр буенча экспертлар советының җаваплы секретаре Андрей Большаков хәбәр итте.

Ул сайлау участокларында сораштырулар үткәрелгәнен әйтте. Участокларның 34 проценты Казанда, 41 проценты республиканың башка шәһәрләрендә, 25 проценты авылларда урнашкан иде. «Социологлар 8 меңгә якын кешене сораштырган. Бу зур саннар, ләкин рәсми саннар түгел. Сораштырылганнарның 67 процентыннан артыгы мәгълүмат бүлешергә ризалык бирде, чөнки кемнәрдер баш та тарта ала», — диде Большаков.

Шул рәвешле, сораштырылган нәтиҗәләр буенча, Альфред Вәлиевка халыкның 6,5 проценты тавыш биргән. Олег Коробченкога - 2,3 процент, Рөстәм Миңнехановка - 81,2 процент, Альмир Михеевка - 4,0 процент, Владимир Сурчиловка - 3,4 процент тавыш исәпләнгән.

Халыкның өч проценты социологларга бюллетеньнарны бозганнары хакында хәбәр иткән.

Сәхифәләр

Экзит-полл буенча Татарстан Президентына кандидатларга күпме тавыш бирелгәне билгеле