Дәүләт Думасы сайлауларда дистанцион тавыш бирү турында закон кабул итте

«Дәүләт хезмәтләре» порталыннан файдаланып, дистанцион рәвештә кандидат өчен имзалар җыю мөмкинлеге булдырыла.

(Казан, 13 май, «Татар-информ»). Дәүләт Думасы сайлауларда һәм референдумнарда почта аша һәм дистанцион рәвештә тавыш бирү мөмкинлеге, шулай ук «Дәүләт хезмәтләре» порталыннан файдаланып, кандидат өчен имзалар җыю турында закон кабул итте. Бу хакта РИА Новости хәбәр итә.  

Үзгәрешләр «Россия Федерациясе гражданнарының сайлау хокукларының һәм референдумда катнашу хокукының төп гарантияләре турында»гы Федераль законның 37 һәм 38 маддәләренә кертелә.

Башлангыч редакциядә проект «Дәүләт хезмәтләре» порталы аша кирәкле сандагы имзаларның яртысыннан да артмаган өлешен җыюны күздә тоткан иде.