Сәясәт 12 гыйнвар 2021 20:24

Татарстаннан сайланган Дәүләт Думасы депутатларына сорау биреп булачак

Кабул итү 13 гыйнварда дистанцион форматта уза.

Скопировать ссылку

(Казан, 12 гыйнвар, «Татар-информ»). 13 гыйнварда республика халкы сорауларына РФ Дәүләт Думасына Татарстаннан сайланган депутатлар җавап бирәчәк. Бу хакта «Бердәм Россия» рәисе Дмитрий Медведевның кабул итү бүлмәсе хәбәр итә.

Чара «Бердәм Россия» рәисенең башкалада Карл Маркс урамындагы 31/7 йортында төбәк иҗтимагый кабул итү бүлмәсендә дистанцион форматта узачак. 10.00 сәгатьтә Республика халкы Марат Гаделшинга, Ольга Павловага һәм Борис Менделевичка сораулар бирә ала. 14.00 сәгатьтә Ирек Богуславский кабул итәчәк.

Чарада катнашу өчен 8 (843) 238-10-00 номеры буенча алдан язылу кирәк.

«Гражданнарны кабул итү Skype (Priemnayaer116) элемтә каналлары аша алып барылачак», диелә хәбәрдә.

Сәхифәләр

Татарстаннан сайланган Дәүләт Думасы депутатларына сорау биреп булачак