Сәясәт 9 сентябрь 2021 07:32

Татарстан мәктәпләре сайлаулар вакытында штат режимында эшләячәк

Укучылар өчен музейларда күчмә дәресләр яки спорт җыеннары оештырылачак.

Скопировать ссылку

(Казан, 8 сентябрь, «Татар-информ», Камилә Гобәйдуллина). 17 һәм 18 сентябрьдә, сигезенче чакырылыш Россия Дәүләт Думасына депутатлар сайлау көннәрендә, Татарстан мәктәпләре штат режимында эшләячәк, укучылар өчен күчмә дәресләр оештыру планлаштырыла. Бу хакта «Татар-информ»да узган матбугат конференциясендә ТР Үзәк сайлау комиссиясе рәисе Андрей Кондратьев хәбәр итте.

«Без Татарстан Республикасы Мәгариф министрлыгы белән даими элемтәдә. Аңлыйбыз, аеруча басым 17 сентябрь, җомга көненә ясалачак. Мәктәп расписаниесенә үзгәрешләр кертеләчәк. Бу көннәрдә сыйныфтан тыш эшләргә һәм дәресләрнең саф һавада узуына зур игътибар биреләчәк. Бу сорау бездә тулысынча хәл ителде инде», — дип белдерде Андрей Кондратьев.

Әйтик, сайлаулар узган көннәрдә мәктәп укучылары өчен күчмә чаралар — экскурсияләр, музейларга бару, походлар, спорт ярышлары, саф һавада дәресләр һәм башка чаралар оештыру планлаштырыла.

Сәхифәләр

Татарстан мәктәпләре сайлаулар вакытында штат режимында эшләячәк