Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Премьер-министры Михаил Мишустин Казанга эшлекле сәфәр белән килде
Россия Премьер-министры Михаил Мишустин Татарстан Республикасы Президенты белән очрашачак, шулай ук ул «Алабуга» МИЗ эшчәклеге белән дә танышачак.
(Казан, 9 июль, «Татар-информ»). Россия Премьер-министры Михаил Мишустин Татарстанга эшлекле сәфәр белән килде. Россия Хөкүмәте башлыгы программасында беренче нокта Татарстанның йогышлы авырулар хастаханәсенең яңа корпусын төзү мәйданчыгы булды. Бу хакта «Татар-информ» мәгълүмат агентлыгына үз чыганаклары хәбәр итте.
«Эшлекле сәфәр йогышлы авырулар хастаханәсеннән башланды», — дип хәбәр итте агентлык чыганагы.
Элегрәк Россия Хөкүмәте матбугат хезмәте хәбәр иткәнчә, бүген Премьер-министр шулай ук Иннополис белән дә танышачак. Биредә ул IT-тематика буенча панель дискуссиядә катнашачак. Әлеге дискуссиянең темасы мәгълүмат технологияләрендә дәүләти-хосусый партнерлыкны үстерү булыр дип көтелә.
Моннан тыш, Иннополиста Татарстан Президенты Рөстәм Миңнеханов һәм Татарстан Дәүләт киңәшчесе Минтимер Шәймиев белән очрашу планлаштырылган.
Кызыклы яңалыкларны күзәтеп бару өчен Телеграм-каналга язылыгыз