Олег Морозов: “2011 елга гражданнарның керемнәре реаль исәпләрдә 3 мәртәбә артачак”

Мәскәүдә “2009 һәм 2010-2011 план чорына федераль бюджет турында”гы Федераль Закон проекты турында" темасына семинар узды.
(Казан, 8 октябрь, “Татар-информ”). Мәскәүдә “2009 һәм 2010-2011 план чорына федераль бюджет турында”гы Федераль Закон проекты турында” темасына семинар-киңәшмә узды. Чарада РФ субъектлары законнар чыгару органнарының бюджет һәм финанс-икътисади сәясәт комитетлары рәисләре ) “Бердәм Россия” партиясе әгъзалары катнашты.

“Бердәм Россия” партиясенең Генераль советы президиумы сәркатибе урынбасары Валерий Рязанский очрашуның бурычлары турында сөйләгәндә, киңәшмәдә төбәкләрне бюджет процессында борчыган сорауларга җаваплар бирелергә тиеш, диде.

Семинарда катнашу өчен Дәүләт Думасы депутатлары чакырылган иде. Мәгариф, сәламәтлек саклау, мәдәният, хезмәт һәм социаль сәясәт буенча профиль комитетлары рәисләре шулай ук өч еллык бюджет турында фикер алышканда катнашты.

“Бердәм Россия” партиясенең Генераль советы президиумы сәрктаибе урынбасары – Дәүләт Думасы Рәисенең беренче урынбасары Олег Морозов, үз чиратында, төбәкләрнең вәкилләре белән бюджетны формалаштыру процессы хакында фикер алышуның мөһимлеген ассызыклады.

“Без бюджет турында гына түгел, аннан бераз читкә дә чыгып фикер алышырга телибез. Безнең бик әһәмиятле тема бар – законнар чыгару эшендә хезмәттәшлек. Субъектлар тормышының икътисади аспектлары һәм законнар белән тәэмин итү – сезнең кулларда. Закон проектларының яхшы эшләнеп, үзегезгә каршы килмәслек булуларын теләр идек”, - дип белдерде Олег Морозов.

Ул шулай ук Дәүләт Думасы караган закон проектларының 44 проценты – төбәкләрнең закон инициативалары.

Бюджет проекты турында сөйләгәндә, Дәүләт Думасы Рәисенең беренче урынбасары: “2011 елга гражданнарның керемнәре реаль исәпләгәндә 3 тапкыр артачак. Бу чорда яшәү минимумыннан кимрәк табыш алучылар да күбәячәк”, - дип ассызыклады.