Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин «Бердәм Россия» партиясенең Югары Советы утырышында катнашты
«Бердәм Россия» партиясенең Генераль Советы сәркатибе Андрей Турчак әйткәнчә, катлаулы шартларга да карамастан, партия сайлаучыларның ышанычын саклап кала алды.
(Казан, 5 октябрь, «Татар-информ»). Бүген Татарстан Дәүләт Советы Рәисе, «Бердәм Россия» партиясенең Татарстан төбәк бүлекчәсе сәркатибе Фәрит Мөхәммәтшин Мәскәүдә Дәүләт Думасында һәм Россия Федерация Советында берничә очрашуда катнашты.
Дәүләт Советы Рәисе «Бердәм Россия» партиясенең Югары Советы һәм Генераль Советы уртак утырышында да катнашты, дип хәбәр итә Дәүләт Советының матбугат хезмәте.
Партиянең Югары Советы һәм Генераль советы утырышында узган сайлау кампаниясе йомгаклары турында фикер алыштылар. «Бердәм Россия» партиясенең Генераль Советы сәркатибе Андрей Турчак әйткәнчә, катлаулы шартларга да карамастан, партия сайлаучыларның ышанычын саклап кала алды.
«Безнең төп нәтиҗә — конституцион күпчелек фракциясе һәм нәтиҗәле VIII чакырылыш Дәүләт Думасы. Татарстан Республикасының Идел буе федераль округындагы нәтиҗәләрен аерым әйтәсе килә. 79 процент — „Бердәм Россия“гә бирелгән абсолют тавышлар күләме буенча иң яхшы нәтиҗә. Анда без сигез мандат алдык», — диде Турчак.
Киңәшмәдә сигезенче чакырылыш Дәүләт Думасында «Бердәм Россия» фракциясе эшен оештыру мәсьәләләре турында да фикер алыштылар.
Кызыклы яңалыкларны күзәтеп бару өчен Телеграм-каналга язылыгыз