Тавыш бирүчеләрнең 78 проценты Конституциягә үзгәрешләр кертүне хуплаган
Россиядә сайлау хокукы булган кешеләрнең 65 проценты тавыш бирүдә катнашкан.
Скопировать ссылку
(Казан, 2 июль, «Татар-информ»). Россия Конституциясенә үзгәрешләр кертү буенча тавыш бирүчеләрнең 78,03 проценты төзәтмәләрне хуплаган. 21,16 проценты төзәтмәләр кертүгә каршы тавыш биргән. Бюллетеньнәрнең 99,01 проценты тикшергәннән соң, Үзәк сайлау комиссиясе шул хакта хәбәр итте.
Соңгы мәгълүматлар буенча, сайлау хокукы булган кешеләрнең 65 проценты тавыш бирергә килгән.
Россия Конституциясенә төзәтмәләр кертү өчен тавыш бирү 25 июньдә башланды, 1 июль сайлауның төп көне итеп билгеләнде.