Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин дистанцион тавыш бирүне оештыру тәҗрибәсе белән уртаклашты
«Бердәм Россия» партиясе федераль масштабта беренче булып дистанцион тавыш бирү уздырды.
(Казан, 2 июнь, «Татар-информ»). Татарстан Дәүләт Советы Рәисе Фәрит Мөхәммәтшин дистанцион тавыш бирүне уздыру тәҗрибәсе белән уртаклашты. Бу хакта «Бердәм Россия» партиясенең Татарстан төбәк бүлеге секретаре партиянең Генераль советы президиумы утырышында сөйләде. Республика парламентының матбугат хезмәте шул турыда хәбәр итә.
«Бердәм Россия» беренче булып федераль масштабта дистанцион тавыш бирү уздырды. Тавыш бирүгә башлангыч нәтиҗә ясауда партиянең Татарстан бүлеге тәҗрибәсе билгеләп үтелде.
«Татарстанда праймеризда без беренче тапкыр читтән торып тавыш бирү системасын кулландык. Ул нәтиҗәләрнең сакланышын, шулай ук тавыш бирүнең анонимлыгын һәм легитимлыгын тулысынча тәэмин итә. 16 майдан 30 майга кадәр бу платформада 22 меңнән артык сайлаучы 11 080 кандидат өчен тавыш бирде. Система секундына 19 тавыш эшкәртте. Сайлаучылар килү 98,4 процент тәшкил итте», — диде Фәрит Мөхәммәтшин.
«Бердәм Россия» генераль советы секретаре Андрей Турчак сүзләренчә, «Бердәм Россия» нең беренчел тавыш бирүендә онлайн тавыш бирүчеләр саны 14 тапкыр арткан. «Бердәмроссиялеләр» Россия Үзәк сайлау комиссиясе белән дистанцион тавыш бирүне уздыру тәҗрибәсе белән уртаклашырга әзер, дип өстәде ул.
«Бердәм Россия» партиясе тәкъдимнәренең күбесе эш активлыгын нормальләштерү, мәшгульлекне, гражданнарның керемнәрен һәм икътисад үсешен торгызу буенча илкүләм планда чагылыш тапты», — диде Андрей Турчак.
Кызыклы яңалыкларны күзәтеп бару өчен Телеграм-каналга язылыгыз