Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Путин Горбачевны 90 яшьлеге белән тәбрик итте һәм аның тарихка йогынтысын бәяләде
Россия Президенты СССРның элеккеге Президентына сәламәтлек һәм уңышлар теләде.
(Казан, 2 март, «Татар-информ»). Россия Президенты Владимир Путин СССРның элеккеге Президентын, Халыкара социаль-икътисади һәм сәяси тикшеренүләр иҗтимагый фонды башлыгы Михаил Горбачевны 90 яшьлек юбилее белән котлады.
Кремльнең матбугат хезмәте хәбәр иткәнчә, дәүләт башлыгы үзенең котлау телеграммасында Советлар Союзының соңгы лидерының тарихи роленә бәя биргән. «Сез хаклы рәвештә ил һәм дөнья тарихына сизелерлек йогынты ясаган күренекле кешеләр, бүгенге заманның мәшһүр дәүләт эшлеклеләре плеядасына керәсез», - дип искәртте ул.
Путин билгеләп үткәнчә, профессиональ һәм тормыш тәҗрибәсе, энергия һәм иҗат потенциалы Горбачевка «иҗтимагый, агарту эшендә актив катнашырга, халыкара гуманитар проектларны гамәлгә ашыруга игътибар бирергә» ярдәм итә.
РФ Президенты сәясәтче һәм җәмәгать эшлеклесенә сәламәтлек һәм уңышлар теләде.
Михаил Горбачев 1931 елның 2 мартында туган. 1985 елдан – КПСС Үзәк Комитеты генераль секретаре. 1990 елның мартында халык депутатларының чираттан тыш съезды аны СССР Президенты итеп сайлап куя. Горбачевның 1991 елның 25 декабрендә отставкага китүе Советлар Союзы таркалуның формаль рәвештә тәмамлануы булды.
Кызыклы яңалыкларны күзәтеп бару өчен Телеграм-каналга язылыгыз