Аркадий Дворкович Россельхозбанк күзәтүчеләр советының яңа башлыгы итеп билгеләнде

Ул әлеге вазифада авыл хуҗалыгы министры Александр Ткачевны алыштырды.
(Казан, 1 сентябрь, «Татар-информ»). Россия вице-премьеры Аркадий Дворкович Россельхозбанк күзәтүчеләр советының яңа башлыгы итеп билгеләнде. Ул әлеге вазифада авыл хуҗалыгы министры Александр Ткачевны алыштырды, дип яза «Известия».
 
Банк материалларыннан күренгәнчә, Дворкович, шулай ук дәүләт милке белән идарә итү буенча Федераль агентлык башлыгы Дмитрий Пристансков Россельхозбанк директорлар советының яңа әгъзалары итеп билгеләнгән. Калган җиде кеше совет составына узган елда да кергән.
 
 iz.ru порталы моннан алдарак хәбәр иткәнчә, Дворкович «Роснано» корпорациясе директорлар советы рәисе итеп яңадан сайланган иде. Ул 2015 елның июлендә компаниянең директорлар советы әгъзасы булды, шуннан соң аның рәисе итеп билгеләнде.