news_header_top
16+
news_header_bot
news_top

Полиция Казандагы йорт ишегалдында яшь егетне үтерүдә шикләнелүче ир-атны тоткарлаган

Казанның Гагарин урамындагы торак йортларның берсендә үтерү җинаяте кылынган. Бу хакта «Татар-информ»га Казан шәһәре буенча Эчке эшләр идарәсендә хәбәр иттеләр.

Хокук саклаучылар ачыклаганча, 28 яшьлек ир-ат пычак җәрәхәтләре алган. Үтерүдә шикләнелү буенча элек берничә тапкыр хөкем ителгән 37 яшьлек ир-атны тоткарлаганнар. Гаебен ул тулысынча таныган.

Ир-атлар арасында конфликт булганлыгы ачыкланган. Ачуланышу вакытында оппонентларның олысы кечесенә берничә тапкыр пычак белән кадаган. Әлеге факт буенча җинаять эше кузгатылган, шикләнелүчене сак астына алганнар.

news_right_1
news_right_2
news_bot