Казанда автобус йөртүчене кыйнаган үсмерләрне полиция эзли
Скопировать ссылку
Казанда ике үсмер пассажир автобусы йөртүчесен кыйнаган. Шәһәр интернет-берләшмәләренең берсендә шуның видеосы урнаштырылган. Гадәттән тыш хәл «Франт» сәүдә үзәге янында, «Чишмәле» тукталышында булган. Социаль челтәрләрдә хәбәр итүләренчә, низаг юл хакын түләмәү сәбәпле килеп чыккан.
ТР буенча Эчке эшләр министрлыгында «Татар-информ» агентлыгына белдерүләренчә, «Азино-2» полиция бүлегендә әлеге факт буенча тикшерү үткәрелә. Низагта катнашучыларның шәхесләре ачыклана.