Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Поезд вагоннарында пассажирлар утыртуның вакытлыча схемасы 28 майга кадәр озайтылды
Купе, плацкарт вагоннарда һәм утыру урыннары булган вагоннарда утырту схемасы вакытлыча чара булып тора.
(Казан, 13 май, «Татар-информ»). Ерак араларга йөрүче поезд вагоннарында пассажирлар утыртуның вакытлыча схемасы 28 майга кадәр озайтылды. Бу хакта Горький тимер юлларының Казан төбәге матбугат хезмәте хәбәр итә.
«Хәзерге вакытта поездларның барлык вагоннарында утырту схемасы вакытлыча чара булып тора, ул пассажирларга кирәкле социаль дистанцияне үтәргә мөмкинлек бирәчәк», – диелә хәбәрдә.
Әйтик, купеда икедән, плацкарт вагоннарда бер бүлектә өчтән дә артык кеше утыра алмый. Әгәр пассажирлар гаилә белән яки бер заказда дүрт һәм аннан да күбрәк пассажир өчен урыннар рәсмиләштерелсә, аларга утырту кагыйдәләре кагылмый.
Ике урынлы рәттә пассажир тәрәзә янында, өч урынлы рәт булган вагонда — бер пассажир тәрәзә янында һәм берсе – керү юлы ягында утыра. Урта рәт буш кала. Гаиләсе белән сәяхәт итүче пассажирларга күрше утыргычларда урнашу мөмкинлеге биреләчәк.
Утыртуның яңа схемасы кассаларда һәм интернет аша билетларны рәсмиләштергәндә кулланыла.
Яңалыкларны күзәтеп бару өчен Макс-каналга язылыгыз