Казан янында бакчачылар янгын куркынычсызлыгы кагыйдәләрен үтиме-юкмы икәнен тикшерәләр
Скопировать ссылку
Дәүләт янгын күзәтчелеге инспекторлары Казан янындагы бакчачылык җәмгыятьләрендә рейд үткәрде. Бу хакта Россия Гадәттән тыш хәлләр министрлыгының ТР буенча Баш идарәсе хәбәр итә. Чараның максаты - учак ягу һәм чүп-чар яндыруга юл куймау. Рейдка Яшел Үзән районының күзәтчелек эшчәнлеге һәм профилактика эше бүлеге хезмәткәрләре җәлеп ителде.
«Янгынга каршы махсус режим 11 майда тәмамланды, әмма саклык чараларын элеккечә үк аеруча җентекләп үтәргә кирәк», - дип кисәтә бакчачыларны Гадәттән тыш хәлләр министрлыгы хезмәткәрләре.
