Дьякова һәм Гыйләҗева Россия халыклары Спартакиадасында алтын медаль яулады
Скопировать ссылку
Екатеринбургта Россия халыклары Спартакиадасы кысаларында йөзүчеләр арасында турнир башланды. Татарстан вәкилләре анда ике тапкыр уңышка иреште инде.
Ирекле стиль белән 400 метрга йөзүдә Казанда туган Софья Дьякова җиңү яулады. Ә 50 метрга брасс белән йөзүдә республикабызның тагын бер вәкиле, Чаллыда туып үскән Ралинә Гыйләҗевага тиңнәр булмады.
Шунысын да билгеләп үтәргә кирәк, ике спортчы да күптән түгел генә Парижда узган су спорты төрләре буенча Европа чемпионатыннан кайтты.
Россия халыклары Спартакиадасы кысаларында йөзүчеләр турниры Екатеринбургта 20-21 августта уза.