Питрәчнең Керәшен Сәрдәсе авылы музеенда аксакал Иван Долговка багышланган күргәзмә эшли
Скопировать ссылку
Питрәч районы Керәшен Сәрдәсе авылы музееның фәнни хезмәткәре Олег Волков Көлкамәр авылы аксакалы Иван Долговка багышланган зур күргәзмә әзерләгән. Күргәзмәдә аның авыллар, мәктәпләр, нәселләр тарихына багышлаган язмалары, фотографияләре, шәхси әйберләре белән танышып була. Бу хакта «Алга» сайтында хәбәр ителә.
Шулай ук укытучының 60 ел Керәшен Сәрдәсе авыл җирлегендә депутат булып эшләве турында материаллар урнаштырылган.
Күргәзмәгә эш көннәрендә 2 мартка кадәр килергә була.
Иван Александрович 90 яшенә берничә ай кала, узган елның 16 ноябрендә вафат булды.