Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Питрәч районының «Ленино-Кокушкино» музее Татарстан Милли музее филиалы булды
Питрәч районының «Ленино-Кокушкино» тарихи-мәдәни музей тыюлыгы ТР Милли музееның филиалы булды.
«Бу Ленино-Кокушкино музееның үсешенә, музей-туристлык мөмкинлекләренә яңа импульс бирәчәк», дип хәбәр итә ТР Мәдәният министрлыгы.
«Безнең музейларга реновация ясау, заманча музей комплекслары булдыру тәҗрибәбез бар. Милли музейның бай тематик коллекциясе Ленино-Кокушкино музееның яңа экспозициясенә нигез була ала», - дигән ТР Милли музееның генераль директоры урынбасары Светлана Измайлова.
Аның әйтүенчә, Казан тирәсендәге авыл һәм шәһәр утарларын берләштергән яңа экскурсия маршруты төзү – әлеге музейга кагылышлы перспективаларның берсе, бу хәзер аеруча актуаль.
Милли музейның Ленино-Кокушкино музеен үстерү тәкъдимнәре ТР Мәдәният министрлыгы һәм ТР Туризм буенча дәүләт комитеты тарафыннан өйрәнелгән.
- Ленино-Кокушкино музее 1939 елда ачылган. Агач флигельдә 1887-1888 елларда Владимир Ульянов-Ленин яшәгән.
- 1887 елда архив һәм археология тикшеренүләре буенча Александр Бланканың утары торгызылган. Бу Ленинның әнисе ягыннан бабасы утары. Володя Ульяновның балачагы шушы утар белән бәйле.
- Әлеге музей ТР Милли музееның 13нче филиалы. Шуларның унысы Казанда, өчесе районнарда эшли.
Кызыклы яңалыкларны күзәтеп бару өчен Телеграм-каналга язылыгыз