Питрәч районында яңа торак комплекс төзелә башлады
Скопировать ссылку
Питрәч районы Яңа Шигали авылында яңа торак комплекс төзелә башлады. Масштаблы проект 6 каттан 8 катка кадәр биеклектәге 11 күп фатирлы йортны үз эченә ала. Беренче ике йорт әзер инде. Бу хакта «Алга» сайтында Люция Сираҗиева яза.
Идарәче компания вәкиле Илдар Идиятуллин сүзләренчә, торак комплекста инфраструктура каралган: 500 урынлык мәктәп, 320 урынлык ике балалар бакчасы, поликлиника, спорт-сәламәтләндерү комплексы, күпфункцияле үзәк һәм административ бина.
Проектны 2032 елга кадәр тулысынча гамәлгә ашыру планлаштырыла. Булачак торак комплекс макетын Татарстан Дәүләт Советы Рәисе Фәрит Мөхәммәтшинга Питрәчтә узган район йомгаклау сессиясендә тәкъдим иттеләр.